Адам ресурстарын басқару
1.1. Құрылым және нұсқаулық
Адами ресурстарды басқару С. Өтебаев атындағы Атырау мұнай және газ университетінің құрылымдық бөлімшесі болып табылады және Университеттің Басқарма төрағасы – ректорына бағынады.
Басқарманы Университеттің Басқарма төрағасы – ректорының шешімімен заңнамада белгіленген тәртіпке сәйкес тағайындалатын және қызметтен босатылатын басшы басқарады.
Басқарманың негізгі қызмет бағыттары, міндеттері мен құқықтары осы Ереженің негізінде әзірленген тиісті лауазымдық нұсқаулықтармен айқындалады.
Басқарма өз жұмысында Қазақстан Республикасының заңнамасын, Университет Жарғысын, Университеттің Директорлар кеңесі мен Басқармасының шешімдерін, Университет басшылығының бұйрықтары, өкімдері мен тапсырмаларын, осы Ережені және Университет қызметін реттейтін басқа да ішкі құжаттарды басшылыққа алады.
Басқарма басшысы белгіленген тәртіпте басқарманың тиімді жұмысын, қойылған міндеттер мен функцияларға сәйкес орындалуын, сондай-ақ басқарма басшысының лауазымдық нұсқаулығында айқындалған қызметтік міндеттерін орындауды және қызметкерлердің өз өкілеттіктері шеңберінде қызметінің өзектілігі мен маңыздылығы туралы хабардар болуын қамтамасыз етеді.
Басқарманың негізгі міндеті
Басқарманың негізгі міндеті – Университеттің стратегиялық мақсаттарына қол жеткізуге жәрдемдесу:
- Университеттің Даму стратегиясын ескере отырып, Кадр саясатын әзірлеу/жаңарту және іске асыру.
- Университет қызметкерлерін орта мерзімді және ұзақ мерзімді жоспарлау процесін басқару.
- Қажетті дағдылар мен білімдері бар персоналды іздеу және іріктеу процесін басқару.
- Қызметкерлердің кәсіби даярлығын арттыру мақсатында оқыту және дамыту процестерін басқару.
- Жұмыс тиімділігін арттыру үшін персонал қызметін бағалау.
- Университеттің мақсаттарына жету үшін ынталандыру мақсатында персоналды марапаттау жүйесін басқару.
- Университеттің корпоративтік мәдениетін басқару.
- Қазақстан Республикасының еңбек заңнамасына сәйкес еңбек қатынастарын және кадрлық әкімшілендіруді басқару.
Басқару Функциялары
Кадр саясатын әзірлеу
Бірыңғай кадр саясатын әзірлеу және іске асыру, университеттің басқару мәселелерін диагностикалауға қатысу, бөлімше басшыларына әдістемелік көмек көрсету және үйлестіру.
Персоналға қажеттілікті жоспарлау
Адам ресурстарына қажеттілікті жоспарлау және болжау үшін құжаттарды әзірлеу.
Қызметкерлерді іріктеу
Білікті персоналды іріктеуді және жалдауды ұйымдастыру, Қазақстан Республикасының еңбек заңнамасын сақтау.
Қызметкерлерді әлеуметтік қолдау
Материалдық көмекті қоса алғанда, университет қызметкерлерін әлеуметтік қолдау мәселелері бойынша жұмысты ұйымдастыру және жүргізу.
Жұмыс тиімділігін бағалау
Администрирование процедур оценки эффективности деятельности работников, совершенствование системы оценки персонала.
Қызметкерлерді оқыту және дамыту
Қажеттіліктерге сәйкес университет қызметкерлерін оқыту және біліктілігін арттыру процесін ұйымдастыру.
Кадрлық есеп
Еңбек заңнамасына сәйкес кадрлық есепке алуды жүргізу, қызметкерлерді қабылдауды, ауыстыруды, жұмыстан шығаруды ресімдеу, еңбек тәртібін бақылау.
Іс жүргізу және марапаттау
Іс қағаздарын жүргізу, университет қызметкерлерін мемлекеттік және өзге де наградалармен марапаттау бойынша жұмыстарды ұйымдастыру.
Бюджеттеу
Басқарма жетекшілік ететін шығыстар баптары бойынша бюджетті жоспарлау.