Дуальды оқыту

Дуальды оқыту — бұл кәсіптік білім берудің бір түрі, онда білім алушыларды даярлаудың практикалық бөлігі жұмыс орнында, ал теориялық бөлігі – білім беру ұйымының базасында өтеді.

Басты мақсат — өндірісте жұмыс істеудің базалық дағдылары қалыптасқан білікті және сауатты түлекті дайындау, техникалық және бейінді білім беру жүйесінде дуальді білім берудің қазақстандық моделін әзірлеу.

2015 жылдан бастап С.Өтебаев атындағы Атырау Мұнай және газ университетінде жоғары білім беру жүйесінде алғаш рет дуалды оқыту енгізілді. Дуальды оқыту білім беру мен бизнестің өзара іс-қимылын көздейді, соның нәтижесінде білікті мамандарды даярлау тиімділігі артады. Дуалды оқытудың тікелей қатысушылары студент, өндірістік кәсіпорын және ЖОО болып табылады.

Дуальды жүйе бойынша білім алушылар дәстүрлі жүйе бойынша білім алушылармен салыстырғанда бірқатар артықшылықтарға ие. Бұл –

  • студенттердің еңбек дағдыларын алуы;
  • негізгі өндірістік процестерді мұқият білу;
  • еңбек өтілін жинақтау;
  • жұмысшы мамандықтары бойынша сертификат (куәлік) алу;
  • кәсіби дамуға ықпал ететін білім мен тәжірибе алу.

Қазіргі уақытта С. Өтебаев атындағы АтМГУ-де дуальді оқыту жүйесі мынадай білім беру бағдарламалары бойынша жүзеге асырылып келеді:

  • 6В07101 – «Өндірісті автоматтандыру және басқару»
  • 6В07102 – «Көлік, көліктік техника және технологиялары»
  • 6В07104 – «Өндірістік энергетика»
  • 6В07105 – «Кәсіпорындарды энергиямен қамтамасыз ету»
  • 6В07106 – «Органикалық заттардың химиялық технологиясы»
  • 6В07107 – «Мұнай және газ өнеркәсібінің машиналары мен жабдықтары»
  • 6В07201 – «Геология және мұнайгаз кенорындарын барлау»
  • 6В07202 – «Мұнай-газ кен орындарын іздеу және барлаудың геофизикалық әдістері»
  • 6В07203 – «Мұнай және газ ұңғыларын бұрғылау және жөндеу»
  • 6В07204 – «Мұнай және газ кенорындарын игеру және пайдалану»
  • 6В07205 – «Құрлықта және теңізде мұнай-газ құбырлары мен мұнай – газ қоймаларын жобалау және пайдалану»

Дуальды оқыту кәсіпорындармен бірлесіп жүзеге асырылады:

  • «Ембімұнайгаз» АҚ
  • «Атырау мұнай өңдеу зауыты» ЖШС
  • «Теміртау электрометаллургиялық комбинаты» ЖШС
  • «Жігермұнайсервис» ЖШС
  • «ПКФ Континент Ко ЛТД» ЖШС (Атырау кабель зауыты)
  • «КазТехМунайСервис» ЖШС
  • «Бертлинг Қазақ Лоджистикс» ЖШС
  • «Ембімұнайэнерго» ЖШС
RU KK  EN