Институтқа Н.К.Нәдіров есімі берілді

АтМГУ Мұнай-химия инженериясы және экология институты енді академик Нәдір Кәрімұлы Нәдіровтің есімімен аталады. Индустриалды-технологиялық факультетінің атауы 2021 жылы Мұнай-химия инженериясы және экология институты болып өзгерген болатын. Мұнда энергетика, байланыс, химиялық технология, құрылыс, қоршаған ортаны қорғау, көлік және жабдықтар салаларында мамандарды даярлау жүзеге асырылады. Институтқа Нәдір Нәдіровтің есімін беру және ескерткіш тақта орнатуға арналған салтанатты шараға Атырау облысының әкімі М.Ж.Досмұхамбетов, ҚР Парламент Сенаты депутаты Б.Т.Жұмағұлов, «KAZENERGY» қауымдастығы төрағасының орынбасары, «Қазақстанның еңбек ері» Ұ.С.Қарабалин, ҚР Экология, геология және табиғи ресурстар министрі Серікқали Брекешов, Х.Досмұхамедов атындағы Атырау университетінің ректоры Саламат Идрисов, қоғам қайраткерлері, ғалымдар, жастар және Нәдір Кәрімұлының ұрпақтары қатысты.

Back to the list