Салалық технологиялық құзыреттер орталығы

Қазақстан Республикасы Энергетика министрінің 2021 жылғы 6 қыркүйектегі №283 «Қазақстан Республикасы Энергетика министрлігінің технологиялық құзыреттерінің салалық орталықтары туралы» бұйрығына сәйкес, мұнай-газ саласында Энергетика министрлігінің Технологиялық құзыреттердің салалық орталығы құрылды, оның функциялары Сафи Өтебаев атындағы Атырау мұнай және газ университетіне жүктелді.

Негізгі міндеттері:

• Мұнай-газ кешенінің технологиялық даму басымдықтарын анықтау үшін технологиялық трендтерді талдау;
• Мұнай-газ саласындағы нормативтік-құқықтық актілерге мемлекеттік басқару процестерін жетілдіруге бағытталған ұсынымдар әзірлеу;
• Қазақстан Республикасының энергетика саласының "технологиялық картасын" жасау;
• Кәсіпорын ерекшелігіне сәйкес, болашақтағы салалық қажеттіліктерге сай озық технологиялар бойынша кеңес беру;
• Жобалардың инновациялық құрамдасын сараптау;
• Өндірісте инновациялық стартап-жобаларды енгізуге жәрдемдесу;
• "Болашақ кәсіптері" бағыты бойынша "Foresight болжау" жүргізу;
• Болашақ кәсіптерге арналған кәсіби стандарттар мен эксперименттік білім беру бағдарламаларын әзірлеу;
• Саладағы еңбек ресурстарын талдау, қайта даярлау және біліктілігін арттыру бойынша ұсынымдар әзірлеу.