Atyrau Oil and Gas University named after Safi Utebayev бүгін Халықаралық қарттар күніне арналған іс-шара өтті.
Университет есімін еншілеген даңқты мұнайшы Сафи Өтебаев ескерткішіне гүл шоқтарын қою рәсімінен басталған мерекелік бағдарлама оқу орнының алғашқы ректоры, академик Төлеуіш Серіковтің музейінде жалғасты.
Университеттің дамуына өлшеусіз үлес қосқан ардагер ұстаздар өмірлік тәжірибелерімен, ақыл-кеңесімен бөлісті. Студенттердің өнерін тамашалады.
Өкінішке қарай, соңғы жылдары біраз аға буын ұстаздарымыз өмірден өтті. Шәкірттеріне ұлағаты пен ізгілігін дарытқан құрметті профессорларымызды, ардақты аға-апаларымызды сағынышпен еске аламыз.