Дүниежүзілік туризм күніне орай Сафи Өтебаев атындағы Атырау мұнай және газ университетіне қонақтар келді. «Туған жер» жас туристер клубының жетекшісі Гүлжан Елешова университет базасындағы Н.Балғымбаев атындағы коммуникацияларды дамыту орталығындағы музей жәдігерлерімен мектеп оқушыларын таныстырды. «Жанды сабақ» жобасы еліміздегі 7 облыста әр пән бойынша жүзеге асады. Гид экскурсовод Гүлжан Елешова химия пәнін таңдап, қаламыздағы 7-сынып оқушыларына «жанды сабақ» өткізді. Жоба бойынша 180 оқушыны қамту қарастырылған. Дәріс тақырыбы мұнай туралы болды. Оқушылар өңірдегі бірегей мұнай музейімен танысып, мол мағлұмат алды.