Облыс әкімі Махамбет Досмұхамбетов Сафи Өтебаев атындағы Атырау мұнай және газ университетінің базасындағы Ustudy өңірлік тестілеу орталығының жұмысымен танысты.
Орталық тестілеу бойынша сынақтар өткізу, түрлі оқу курстарын ұйымдастыру және халықаралық ұйымдармен байланыс орнату жұмысын іске асырады. Білім беру саласында онлайн сервистерді енгізу мен дамыту алаңы ретінде Орталық тестілеудің жаңа мәдениетін қалыптастыруды мақсат етеді.
Ustudy арқылы IELTS, TOEFL ITP, CEPT, TKT CLIL, Language for Teaching, CFA, Microsoft курстары бойынша тест тапсыру, NUFIP, SAT, GRE, GMAT, ACT емтихандарына, PISA, TIMSS, TALIS, PIRLS, PIAАC зерттеулеріне сынақ тапсыруға мүмкіндік бар.