Университет туралы

Бүгінгі таңда Университет «білім-индустрия-ғылым-бизнес» интеграциясын белсенді жүзеге асыруда. Бұл үрдістің негізінде оқыту инфрақұрылымын өндірістің нақты жағдайларына жақындату, заманауи технологияларды оқу үдерісіне енгізу жатыр.

Қазақстан Республикасы Энергетика министрінің бұйрығымен Университет Қазақстандағы алғашқы салалық технологиялық құзыреттер орталығы болып бекітіліп, энергетика саласындағы технологиялық инновациялар бойынша сараптамалық қолдау көрсетеді. Сондай-ақ, Университетке цифрландыру жобаларына сараптамалық сүйемелдеу және «болашақ мамандықтар» бойынша эксперименттік білім беру бағдарламаларын әзірлеу міндеті жүктелді.

Қазақстан Республикасындағы алғашқы жоғары оқу орындарының бірі ретінде 2020 жылғы 14 қыркүйектегі № 413 Қазақстан Республикасы Президентінің «Қазақстан жаңа шынайылықта: іс-қимыл кезеңі» атты 2020 жылғы 1 қыркүйектегі халыққа Жолдауын іске асыру жөніндегі шаралар туралы Жарлығының 80-тармағын орындауға кірісті. Осыған сәйкес, Университет пен «Атырау мұнай өңдеу зауыты» ЖШС арасында қамқорлық туралы келісімге қол қойылды. Аталған келісім аясында 2020 жылдың желтоқсанында «Мұнай-химиялық инжиниринг және экология институты» ашылып, оның құрамына оқыту орталығы мен зерттеу бағытындағы зертханалар кірді. Бұл жерде жер қойнауын пайдаланушы компаниялар үшін қолданбалы зерттеулер жүргізілуде. 15 (он бес) химиялық зертхананы толық жаңғырту және AXANS каталитикалық риформинг қондырғыларын беру жүзеге асырылды.

Университет дуальді оқытуды енгізу қарқыны мен сапасы бойынша көшбасшы болып табылады. Жоғары оқу орнында уәкілетті органдар және «Атамекен» ҰКП-мен бірлесіп Қазақстан Республикасы студенттері үшін дуальді оқыту моделін қалыптастыру жұмыстары жүргізілуде. Өңірдегі индустриялық компаниялардың топ-менеджменті өкілдерінен құралған Индустриялық комитет стратегиялық міндеттерді шешуге, дуальді оқытуды ұйымдастыруға, оқу жоспарларын әзірлеуге және түлектерді жұмысқа орналастыру мәселелеріне белсенді қатысуда. 2021 жылдың қаңтар айында жаһандық «Ernst and Young» компаниясының қатысуымен Университет тәжірибесін Украина университеттеріне тарату іс-шарасы өтті.

Университетте өндірістік және оқу полигоны – энергия ресурстарын өндіру және тасымалдау, электр және баламалы энергетика технологияларын оқу процесіне және ғылымға енгізу үшін өнеркәсіптік қондырғылар үлгілерімен жабдықталған бірегей алаң салынуда. Бұл полигон жобасы «ҚазМұнайГаз» ҰК» АҚ және «Ембімұнайгаз» АҚ қолдауымен әзірленді.

2020 жылдың ақпанында Университет базасында «West Hub» білім беру хабы құрылып, аймақтағы мектептер, колледждер және жоғары оқу орындарын бір жүйеге біріктірді. Бұл жоба Атырау облысындағы мектеп оқушыларының құзыреттерін және жалпы сауаттылығын арттыруға ықпал етуде. «West Hub» орта мектептер, колледждер мен жоғары оқу орындары арасындағы өзара іс-қимылды күшейтіп, аймақтағы білім сапасын жақсартуға бағытталған үздіксіз үдеріс қалыптастыруда. 2021 жылдың қаңтар айында Атырау облысы оқушыларын ҰБТ-ға дайындайтын орталық ашылды. Орталықта жоғары санатты мұғалімдер мен университеттің жетекші оқытушылары сабақ береді.

Тұрақты даму мақсаттары бойынша Каспий хабы (Caspian SDG Hub) Прикаспий аймағындағы 10-нан астам университетті біріктірді. Оның базасында «Каспий теңізінің экологиялық факторларға сезімталдық картасын әзірлеу» жобасы жүзеге асырылуда. Бірлескен зерттеу жобалары басталып, Caspian Sustainable Development Network University желілік университеті құрылуда.

Университет Қазақстан Республикасының мұнай-газ саласындағы KAZENERGY қауымдастығы ұйымдастырған «Жаңа кәсіптер мен құзыреттер Атласын» әзірлеушілердің бірі болып табылады. Атлас басылып шығып, болашақ мамандықтарға арналған «майнер» бағдарламаларын әзірлеу жұмыстары басталды.

Университет аумағында компаниялардың бөлімшелерін орналастыру жұмыстары жүргізілуде. Бүгінгі таңда «ҚМГ Инжиниринг» зертханалық орындары орналастырылып, мұнай кен орындарын геологиялық және гидродинамикалық модельдеу жұмыстары жүргізілуде.