ҚазҰТЗУ магистранттары С.Өтебаев атындағы АтМГУ-де 29-шы сәуірден бастап, ғылыми тағылымдамадан өтіп жатыр. Ғылыми тағылымдама аясында магистранттарға арнайы жоспар жасақталған. Жоспарға сәйкес Сәтпаев атындағы ҚазҰТЗУ-ң магистранттары Атырау облысының мұнай кен орнына барды.
Мақсаты: магистранттарды мұнай кен орнын игеру технологиясымен, өндіру және ұңғымадан өндірілетін өнімді дайындау процесімен таныстыру, ғылыми зерттеу жұмыстарына қажетті материалдар алу.
Сонымен қатар, магистранттар осы кен орнын игеру кезінде пайда болатын қиындықтар және оларды жою үшін қолданылатын әдістермен таныстырылды. Атап айтқанда, магистранттар ұңғымадағы парафин шөгінділерімен күресудің жаңа әдісімен, штангалық терең сорғы қондырғысының құрылымында механикалық қырғыштарды қолдану арқылы нәтижеге қол жеткізуге болатынын үйренді.