С.Өтебаев атындағы Атырау мұнай және газ университеті ғылыми кітапханасы Clarivate Analitics халықаралық компаниясымен бірігіп, ұлттық жазылым аясында Web of Science ақпараттық - талдау платформасының құралдары бойынша «Басылымдар үшін журналды қалай таңдау және қауіпті журналдардан қалай сақтану керек?!» тақырыбында офлайн семинар өткізді.
Семинар мақсаты-ғылыми қызметкерлердің зерттеулерін ұлттық және халықаралық басылымдарда жариялануына жол ашу.
Семинарды Clarivate Analitics халықаралық компаниясының Орталық Азия елдеріндегі ресми өкілі Инеш Кенжина жүргізді.
Маман «ашық қолжетімді» (open access) және «жабық қолжетімді» (close access) журналдар туралы кеңінен мәлімет беріп, қол жетімді басылымдарды орналастыру үшін «жыртқыш баспагерлерді» анықтау критерийлерімен таныстырды, зерттеушілердің өз материалын басып шығаратын журналдардың сапасын да зерттеуді басты назарда ұстауды ұсынды.