Студенттер, профессорлық-оқытушылық құрам мен қызметкерлер оқу орнына мобильді қосымшадағы QR-кодты пайдалану арқылы кіре алады. Ол үшін смартфонына «Ashyq» мобильді қосымшасын жүктеп, телефон нөмірі бойынша тіркеліп, ЖСН енгізуі және QR кодты сканерлеуі керек.

QR-кодтағы жасыл түс – келуші ПТР-тестілеуден өтіп, теріс нәтиже көрсеткенін, көк – тестілеу нәтижесі жоқ, алайда COVID-19 жұқтырушымен байланыста болмағанын, сары – коронавируспен ауырған адаммен байланыста болғанын, қызыл – COVID-19 бойынша оң нәтижемен тіркелгенін білдіреді.

Университет қауіпсіз орта қалыптастырып, келушілерді вирус жұқтыру, індет таралу қаупінен қорғауды мақсат етеді.

Өзіңізді және жақындарыңызды қорғаңыз!

Back to the list