28 мамыр күні Сафи Өтебаев атындағы АтМГУ-ң Н.Балғымбаев атындағы коммуникацияларды дамыту орталығында Атырау өңіріндегі мекеме, кәсіпорындар мен компаниялардың бухгалтерлеріне арналған офлайн семинар өтті. Шараны «Параграф» Бизнес мектебі ұйымдастырды.
Семинар лекторы – ҚР аудиторы, ҚР Кәсіби бухгалтер сертификатының иегері, тәжірибелі маман, салық кеңесшісі Л.Мұханбетқалиева.
Семинарда ТМД бойынша пилоттық жобада тауарларға ілеспе жүк құжаттарын енгізу, оларды рәсімдеу және растау тәртібі, Виртуалды қойма бойынша операцияларды автоматтандыру және т.б. сұрақтар қамтылды.