Мұнайшы мамандығы
С. Өтебаев атындағы Атырау мұнай және газ университетінің Мұнай-газ факультетінде төмендегі мамандықтар бойынша оқуға болады:
• Геология және мұнай-газ кен орындарын барлау
• Мұнай және газ кен орындарын іздеу мен барлаудың геофизикалық әдістері
• Мұнай және газ кен орындарын игеру және пайдалану
• Мұнай-газ ұңғымаларын бұрғылау және жөндеу
• Мұнай-газ құбырлары мен мұнай-газ қоймаларын жобалау және пайдалану
• Геодезия және картография
Жоғарыда көрсетілген білім беру бағдарламалары мұнай-газ кен орындарын табудан бастап, мұнай мен газды игеру, алынған өнімді өңдейтін өндіріс орындарына жеткізетін мамандық иелерін дайындайды.
С. Өтебаев атындағы Атырау мұнай және газ университетінің қара шаңырағы саналатын Мұнай-газ факультеті 1990 жылы құрылған және бүгінде студенттердің оқу-білім беру үрдісінде заманауи зертханалармен қамтамасыз етілген.
Университеттің Н.Балғымбаев атындағы коммуникацияны дамыту орталығының базасында бірегей зертханалар, тренажер-имитаторлар, мұнай мен газды бұрғылау, өндіру және кәсіпорындық дайындау бойынша цифрлық стендтер орналастырылған.
Атап айтсақ, факультеттің зертханалық кабинеттері мұнай және газ ұңғымаларын зерттеу бойынша:
АМТ-221 бұрғылау тренажер-имитаторы
АМТ-401 ұңғымасын күрделі жөндеу тренажер-имитаторы
Мұнай-газ кен орындарын модельдеу бойынша:
АМТ-601 ұңғымаларын игеру және пайдалану тренажер-имитаторы
АМТ-231 бұрғышының кресло тренажер-имитаторы және виртуалды кен орнымен жабдықталған.