С. Өтебаев атындағы Атырау мұнай және газ университетінің бұрынғы Индустриалды-технологиялық факультеті 2021-2022 оқу жылынан бастап Мұнай-химия инженериясы және экология институты болып өзгерді.
Мұнай-химия инженериясы және экология институтының ашылуына университеттің басты серіктесі «АМӨЗ» ЖШС септігін тигізді.
Институт төмендегі мамандықтар бойынша білім береді:
• Органикалық заттардың химиялық технологиясы;
• Тіршілік қауіпсіздігі және қоршаған ортаны қорғау;
• Көлік, көліктік техника және технология;
• Өндірістік электр энергетика;
• Машина жасау технологиясы;
• Қозғалысты ұйымдастыру, көлікті басқару және логистика;
• Өнеркәсіптік және азаматтық құрылыс
Институт энергетика, байланыс, химиялық технология, құрылыс, қоршаған ортаны қорғау, көлік және жабдықтау саласының мамандарын даярлайды.
Жаңартылған, заманауи зертханалармен жабдықталған институтта еліміздің мұнай-газ химиясы және экология бағыттары бойынша бакалавр, магистратура, PhD бағдарламалары бойынша оқытылады.
Инстутуттың ерекшелігі:
- білім беру Атырау мұнай өңдеу зауытымен тығыз байланыста жүргізіледі;
- үздік студенттерге АМӨЗ-ң арнайы шәкіртақысы тағайындалады;
- заманауи ғылыми-зерттеу зертханалармен жабдықталған;
- институтта Ресей Федерациясының жетекші университеттері: Губкин атындағы РМУ, Уфа мемлекеттік мұнай техникалық университеті және Санкт-Петербург мемлекеттік технологиялық институтының ғалымдары дәріс оқиды;
- серіктес компанияларда дуалды оқыту және тағылымдамадан өту;
- қос дипломды білім беру бағдарламасы және шетелде студенттердің 1-ден 3 семестрге дейінгі академиялық ұтқырлығы бойынша оқу;
- колледж түлектеріне арналған қысқартылған оқу бағдарламасы;
- екінші жоғары білім беру бағдарламасы;
- түлектердің АМӨЗ, КРІ, Worley Parsons, KEGOC, Каспиймұнайгаз және т.б. компанияларда жұмысқа орналасу мүмкіндігі