Сафи Өтебаев атындағы Атырау мұнай және газ университеті ҚР Білім және ғылым министрлігінің қолдауымен индустриялық университетке трансформациялану сатысында. Оның базасында технологиялардың жеделдетілген трансфертін ынталантыруға, мұнай-газ компаниялары үшін ғылыми жұмыстар жүргізуге және технологиялық ынтымақтастықтың өңірлік экожүйесін құруға мүмкіндік беретін аймақтық ғылыми-зерттеу орталығы құрылады.
Бұл туралы бүгін Нұр-Сұлтан қаласында өтіп жатқан KAZENERGY XII Жастар форумында С.Өтебаев атындағы Атырау мұнай және газ университетінің Басқарма Төрағасы-ректоры Гулзада Шакуликова айтты.
«Кадрларды жаңа шындықта даярлау: қайта ойлаудан қайта құруға дейін» KAZENERGY XII Жастар форумына мемлекеттік орган өкілдері, еліміздегі ірі мұнай-газ компанияларының, халықаралық ұйымдастардың, жоғары оқу орындары мен жастар қозғалыстарының басшылары қатысып жатыр.
Гүлзада Тәңірбергенқызы Қазақстанның мұнай-газ кешеніне білікті кадр даярлау мәселесі, осы бағытта Университетте қолға алынып жатқан жаңа жобалар туралы баяндады.