АтМГУ оқытушылары облыс аумағындағы аудандарға барып, мектеп түлектерімен кездесуде.
Мақсат – оқушыларға кәсіби бағдар беру.
Сафи Өтебаев атындағы Атырау мұнай және газ университетінде білім алудың артықшылықтары, мамандықтар мен бағыттар туралы ақпарат айтылды. Оқушылармен сұқбаттасып, таңдаған мамандықтарына қатысты кеңес берілді.
Кәсіптік бағдар беру жұмысы мектеп түлектерінің қабілеті мен бейімін ескеріп, болашақ мамандығын таңдауға көмектесуді көздейді.
АтМГУ еңбек нарығында жоғары сұранысқа ие мамандықтарды оқытады. 2022 жылы техникалық мамандықтарға грант саны 60 пайызға дейін артады. Мұнайлы аймақ жастарын осы мүмкіндікті пайдаланып, білім алуға шақырамыз!