Отандық мұнай-газ саласының бастауында тұрған «Ембімұнайгаз» АҚ биыл өзінің 100 жылдық мерейтойын атап өтуде. Ғасырлық мерекенің аясында компания үш жобаны іске қосты. Олар: «Тарихи портал», «Оқу-анимациялық бағдарламалар» жобасы және «Ембі-ел ырысы» атты көркем-деректі фильм.
Кәсіпорынның 100 жылдық тарихынан сыр шертетін «Ембі-ел ырысы» көркем-деректі фильмнің таныстырылымы жақында Атырау қаласындағы Құрманғазы мәдениет сарайында компанияға қарасты барлық басқармалардың ұжымы мен ембілік ардагерлер қатысқан жиында өткен болатын.
Бүгін Сафи Өтебаев атындағы Атырау мұнай және газ университетінің оқытушылары мен студенттер - болашақ мұнайшылар жаңа фильмді тамашалады.