22-27 қараша аралығында Сафи Өтебаев атындағы Атырау мұнай және газ университеті базасында аймақтық жобалық кеңсенің Форсайт мектебінің оқуы өтті. Кәсіптік бағдар беру бағытындағы Форсайт мектебі еңбек нарығындағы болашақтағы мүмкін өзгерістерді талдап, сұранысқа ие болатын жаңа мамандықтарды анықтайды.
Мектептің «Форсайт» жұмысы еліміздің барлық аймақтарында жүзеге асырылатын және өңірлік еңбек нарығының нақты сұраныстарын ескере отырып, кадрларды даярлау жүйесін қайта жасақтауға мүмкіндік беретін «Мамандығым-Болашағым» жобасы аясында жүзеге асуда.
Қарқынды курстар барысында тыңдаушылар Форсайт құзыреттіліктерін жүргізу әдістемесінің негізгі құралдарын меңгерді. Енді бұл топ облысымыз үшін жаңа мамандықтар Атласын жасаумен айналысады.