Балаларды еркелетіп, жақсы көңіл-күй сыйлау қандай керемет десеңізші! Ал, сәбилердің сыйлық алғандағы қуаныштан бал-бұл жанған жүзін көру тіпті ғанибет. Қаламыздағы «Мамандандырылған сәбилер үйі» КММ-ге арнайы барып, осы бақытты бүгін шын сезіне алған жандар бар. Олар — С. Өтебаев атындағы Атырау мұнай және газ университеті қызметкерлері мен студенттері.
Ұжым бастамасымен қолға алынған «Жаңа жылға дейін 100 қайырымды іс» акциясы аясында ұйымдастырылған шара барысында сәбилер үйіне сыйлықтар тапсырылды.
«Мамандандырылған сәбилер үйі» КММ басшылығы келген қонақтарға ұжым атынан ризашылықтарын білдіріп, алғыс айтты.