Сафи Өтебаев атындағы Атырау мұнай және газ университетінің бес студенті Малайзиядағы PETRONAS технологиялық университетінде білім алып жатыр. Виртуалды студенттермен алмасу бағдарламасы студенттің өз елінен шықпай-ақ онлайн-зерттеу жұмыстарын жүргізуге мүмкіндік береді.
V-SEP бағдарламасы арқылы студенттер Covid-19 пандемиясы кезінде де академиялық ұтқырлық бағдарламасына қосылады.
UNIVERSITI TEKNOLOGI PETRONAS (UTP) – 1997 жылы ашылған. Негізгі мамандануы - ғылым мен технология, оның үш факультеті базасында инженерия, ІТ, геофизика және механиканың түрлі салаларын оқуға болады. Студенттер арасында мұнай-газ инженериясы саласында бакалавриат бағдарламасы сұранысқа ие.
Студенттерімізге оқуда табыс тілейміз!