Қашықтан оқыту формасы тиімділігін көрсетіп отыр. Сафи Өтебаев атындағы Атырау мұнай және газ университеті болашақ мамандарды даярлау мен жоғары біліктілік деңгейін жетілдіруде қашықтан оқыту форматында онлайн дәрістерді өткізіп, кәсіби мамандар дәрісі арқылы студенттердің білімдерін шыңдап келеді.
5 ақпан күні университетің мұнай-газ факультетінің студенттері мен профессорлық-оқытушылар құрамына арналған қонақ дәрісі ұйымдастырылды. Қонақ дәрісті «Сазанқұрақ» компаниясы бас директорының орынбасары Арман Қуантаев жүргізді.
Онлайн дәрістің тақырыбы: «Сазанқұрақ және Оңтүстік Мыңтеке кен орындарында мұнай өндіруді арттыру». Өндірістен келген лектор нақты кен орындары мысалында мұнай өндіру тәжірибесімен бөлісті. Осындай шаралар индустрия мен университет арасындағы өзара байланысты нығайтып, студенттердің оқуға деген ынтасын арттырады.