«Сафи Өтебаев атындағы Атырау мұнай және газ университеті» КеАҚ Директорлар кеңесінің кезекті отырысы өтті. Жиын барысында университеттің стратегиялық даму жоспарына сай инфрақұрылымды дамыту мәселелері жан-жақты талқыланды. Атап айтқанда, оқу –өндірістік полигон құрылысын «Эмбімұнайгаз» АҚ - университеттің алтын серіктесі қолға алды.
«Ембімұнайгаз» АҚ - мұнай-газ саласына білікті маман даярлайтын жоғары білім беретін өңірлік университетке қолдау ретінде заманауи ғылым және отандық бизнестің тәжірибесі негізінде ауқымды жұмысты бастап отыр. Негізгі мақсат – еліміздің мұнай-газ саласы үшін жоғары білікті ұлттық кадрлық әлеуетті дамытудың негізін құру.