«Туған жердің әрбір сайы мен қырқасы, тауы мен өзені тарихтан сыр шертеді. Әрбір жер атауының төркіні туралы талай-талай аңыздар мен әңгімелер бар. Әрбір өлкенің халқына суықта пана, ыстықта сая болған, есімдері ел есінде сақталған біртуар перзенттері бар. Осының бәрін жас ұрпақ біліп өсуге тиіс».
Қ.Тоқаев
Президент тапсырмасымен Наурыз мерекесінің мазмұнын байыту мақсатында арнайы тұжырымдама әзірленген болатын. Соның аясында 17 наурыз «Тарихқа тағзым» күні болып белгіленді.
Университеттегі «SEZIN» поэтикалық клубы хан ордалы Сарайшық кешеніне барып, көне шаһардың тарихымен таныс болып, құнды жәдігерлерді тамашалады.
Жастар саясаты және әлеуметтік мәселелер департаменті ұйымдастырған сапарда «SEZIN» клубының мүшелері Сарайшықта жерленген жеті хан туралы деректермен танысты, «Секеркөл» хикаясын тыңдап, ерекше әсермен оралды.