Санаулы уақыттан кейін тағы бір буын үлкен өмірге жолдама алады. Мектеп түлектеріне болашақ мамандықтарын таңдауға, маңызды шешім қабылдауға бағдар беру жұмысы жауапкершілікті талап етеді.
Сафи Өтебаев атындағы Атырау мұнай және газ университеті – еліміздегі мұнай-газ кешеніне кадр даярлайтын бірден-бір жоғары оқу орны ретінде саланың болашақ көшбасшыларын білім алуға шақырады!
Шығыс Қазақстан облысындағы «Үміт» балалар үйінің жоғары сынып оқушыларымен өткен онлайн-кездесуде:
-Мұнайшы болу үшін не істеу керек?
-Мұнайлы астанада жоғары білім алудың қандай мүмкіндіктері бар?
-Бәсекеге қабілетті мұнайшының дағдылары қандай болуы қажет?
-Мұнай-газ кешенінде мансапқа жету жолдары қандай? – деген сауалдар төңірегінде жан-жақты мәлімет берілді.