Бизнес мектепте "Зерттеуде инновациялық әдістерді қолдану" тақырыбында семинар өтті. «Мұнай-газ бизнесі экономикасы» білім беру бағдарламасы бойынша оқып жатқан магистранттар жеке және ұжымдық ғылыми-зерттеу жобаларын жүзеге асыруда, соның ішінде магистрлік диссертация дайындауда қолдана алатын ғылыми-зерттеу жұмыстарының құзыреттілігі мен дағдылары жөнінде мәліметтермен танысты.
Семинарға университеттің ғылым жөніндегі проректоры Мұрат Сыздықов, Бизнес мектеп деканы Ақмарал Жалғасбаева қатысып, магистранттарға бағыт-бағдар берді..
Ғылыми семинар барысында магистранттар А.Серіковтің "Экономиканы әртараптандыру: Қазақстан экономикасының тұрақты дамуын қамтамасыз ету»; А.Қазиханның «Экономиканы жаңғырту жағдайында өңірдің инновациялық - инвестициялық қызметін қамтамасыз етудің тиімді тетігін қалыптастыру» және А.Маханованың «Адами капиталды дамытуды басқаруды ұйымдастыру» тақырыбында баяндамалары тыңдалды.