Білім беру бағдарламалары еңбек нарығының талабына сай болуы үшін не істеу керек? Университет пен индустрияның өзара байланысы осы мәселенің шешімін табуда аса маңызды болып отыр.
Жоғары оқу орнының академиялық дербестігі аясын кеңейту білім сапасын көтеруге негізделген. Бизнес мектепте өткен кездесуде университет оқытушылары мен индустрияның жетекші сарапшылары «Бизнес және басқару» бағыты бойынша білім беру бағдарламаларының мазмұнын талқылауға, жаңартуға байланысты ұсыныс-пікірлерін ортаға салды.
Индустрия өкілдері кадр даярлаудағы басты проблемаларды айтып, бағдарламаға жаңа курстар енгізуді ұсынды.
Өткен жылы еліміздегі ЖОО-ның академиялық дербестігі 85% болды. Университеттер дербес әзірлеген 9 999 білім беру бағдарламасы қолданысқа енгізілген.