Кітапхананың байланыс деректері

• Кітапханашы: Тлеубаева Нургуль
• E-mail: n.tleubaeva@aogu.edu.kz

Жалпы пайдалану ережелері

Кітапхана ақпараттық ресурстарға университеттің студенттері, оқытушылары және ғылыми қызметкерлері үшін қолжетімділікті қамтамасыз етеді. Оқулықтар, мерзімді басылымдар, журналдар және басқа да құжаттар уақытша пайдалануға беріледі.

• Кітапхананың барлық қызметтері тегін көрсетіледі.
• Әдебиеттер абонемент арқылы үйге беріледі. Соңғы немесе бір дана оқулықтар тек оқу залында ғана уақытша беріледі.
• Оқырмандарды тіркеу университетке студенттік билет негізінде жүргізіледі.

Оқу залдарын пайдалану ережелері

• Оқу залынан әдебиеттерді алып шығуға тыйым салынады.
• Оқу залынан шыққан кезде кітаптарды кезекші кітапханашыға қайтару қажет.
• Авторефераттар мен диссертацияларды тек Ғылыми жұмыс жөніндегі проректордың жазбаша рұқсатымен пайдалануға болады.

Оқырмандардың құқықтары мен міндеттері

Оқырмандардың құқықтары:

• Кітапхананың ресурстарын тегін пайдалану.
• Ақпарат көздерін іздеу және таңдау бойынша кеңес алу.
• Электронды каталогтар мен басқа да цифрлық қызметтерді пайдалану.
• Кітаптар мен басқа материалдарды уақытша пайдалану.

Оқырмандардың міндеттері:

• Кітаптарға ұқыпты қарау, белгі қоймау, парақтарын жыртпау.
• Кітаптарда зақым байқалса, кітапханашыға дереу хабарлау.
• Жоғалған кітаптарды дәл сондай басылыммен алмастыру.
• Әдебиеттерді уақытында қайтару.

Кітапхананың құқықтары мен міндеттері

Кітапхананың құқықтары:

• Кітаптарды уақытылы қайтаруды бақылау.
• Ережелерді бұзған жағдайда санкциялар қолдану.

Кітапхананың міндеттері:

• Кітап қорының қолжетімділігін қамтамасыз ету.
• Оқырмандарға кеңес беру және әдебиет іздеуге көмектесу.
• Жұмыс істеуге қолайлы жағдай жасау.
• Кітап қорының сақталуын қадағалау.

Тыйым салынады:

• Кітапханаға сырт киіммен кіру.
• Кітаптарды тіркеусіз алып шығу.
• Кітапхана басылымдарына зақым келтіру.

Ережелерді бұзған жағдайда пайдаланушылар кітапханаға кіру құқығынан уақытша айырылуы мүмкін. Елеулі бұзушылықтар болған жағдайда ақпарат факультет деканатына жіберіледі.