Оқу мерзімі: 2, 1.5 жыл
Кешенді тестілеудің (КТ) таңдау пәндері: Жалпы және тарихи геология, Пайдалы қазбалар кен орындарының геологиясы
«Мұнай мен газ кен орындарының геологиясы және барлауы» білім беру бағдарламасы жаңа сапалы оқыту тәсілін ұсынады, ол келесі аспектілермен ерекшеленеді:
- Оқу бағдарламасына геологиялық, геофизикалық және геохимиялық зерттеулер деректерін цифрлық жүйелер арқылы интерпретациялау мүмкіндіктерін кеңейтетін инновациялық бейінді пәндерді енгізу;
- Қазіргі заманғы жабдықтар мен жаңа компьютерлік бағдарламаларды пайдалана отырып, геологиялық барлау жұмыстарын жобалау және жүргізу үшін қажетті кәсіби білімді меңгеру;
- Оқытушы мен студенттің академиялық еркіндігін кеңейту;
- Арнайы жоғары білімді қоғам мен ғылымның өзгермелі қажеттіліктеріне бейімдеу;
- Мамандардың басқа елдерде даярлық деңгейінің мойындалуы;
- Еңбек нарығының өзгермелі жағдайында түлектердің бәсекеге қабілеттілігін арттыру.
Білім беру бағдарламасының мақсаты – мұнай-газ секторы үшін геолог, геофизик және геохимик мамандардың бәсекеге қабілетті жаңа буынын дайындау, білім мен ғылымға жаңа идеялар мен технологияларды енгізу, сондай-ақ қазіргі геология, геофизика және геохимия саласындағы өзекті мәселелерді шешуге бағытталған ғылыми зерттеулер жүргізу.
Білім беру бағдарламасының басты жетістігі – шығармашылық ойлау қабілеті жоғары, белсенді, әлеуметтік жауапкершілігі бар, кәсіби сұранысқа ие тұлғаны қалыптастыру.