С.Өтебаев атындағы Атырау мұнай және газ университеті мен Пекин мұнай университеті меморандумға қол қойды

Бүгін Астанада өткен «Қазақстан — академиялық білім аймағы» халықаралық стратегиялық серіктестер форумы аясында С.Өтебаев атындағы Атырау мұнай және газ университеті мен Пекин мұнай университеті (ҚХР) арасында өзара түсіністік туралы меморандумға қол қойылды.

Құжаттың негізгі мақсаты — академиялық алмасу, ғылыми-зерттеу қызметі және мұнай-газ саласына инновациялық шешімдерді енгізу бағытында ынтымақтастықты дамыту.

Әлемнің жетекші жоғары оқу орындарымен серіктестік орнату студенттер мен оқытушылар үшін жаңа мүмкіндіктер ашып, халықаралық академиялық қауымдастықты нығайта түседі.